|
Waraaqihii rasuul Bawlos qoray
Waa 13 warqadood, waxaana la yidhaahdaa Rooma,
1 Korintos & 2 Korintos, Efesos,
Filiboy, Kolosay, 1
Tesaloniika & 2 Tesaloniika, 1 Timoteyos
& 2 Timoteyos, Tiitos, iyo
Filemon. Intaba isaga ayaa Ilaah u adeegsaday si uu u qoro, wuuna qoray
isaga oo Ilaahay hoggaankiisa ku qoray. Rasuul Bawlos meelo badan ayuu kiniisado
ka sameeyey. Ciise Masiix wuxuu si xoog leh u adeegsaday Bawlos, wuxuuna wacdiyay
akhbaarta wanaagsan taas oo Boqortooyada Masiixa midho badan u dhalisay, dad badan
ayaana Masiixa u yimid oo isku dhiibay wacdiga Bowlos aawadiis, xataa Yurub dhexdeeda
dad badan ayaa Masiixiyoobay. Hase ahaatee, Bawlos meel keliya waqti dheer ma joogi
karin, sidaas darteed wuxuu kiniisadaha u magacaabi jiray waayeelo ama hoggaamiyayaal
(Tiitos 1:5). Kiniisadahaas cusubi waxay mar kasta u baahnaayeen waxbarid, waana
taas waxa Ciise Masiix u soo marin jiray Bawlos ee soo gaadhi jiray ururada kiniisadaha
iyagoo waraaqo ku xardhan, Wuxuu u digey kuwo ay dhici kartay inay qalloocshaan
Injiilka runtiisa, sida ku xusan Galatiya 1:6-10. Ujeeddada waraaqahaasu waxay kala
ahaayeen inuu dhiirrigaliyo kiniisadaha aad na u baro runta injiilka. Warqadaha
loo qoray kiniisadii Tesaloniika ku taalay ayaa qoraal ahaan ugu horeeyay, kuwaas
oo la qoray A.D.51kii. Bawlos warqaddiisa 2aad wuxuu Timoteyos u qoray wax yar ka
hor intaan Bawlos dhiman. Isu geyn, Bawlos warqadihii uu qorey waxay ku qaadatay
17-18 sannadood. Marka laga hadlayo sida waraaqaha Bawlos Kitaabka Qoduuska ah ugu
qoran yihiin, waxaa ugu horreeyey kuwa kiniisadaha qaarkood loo qoray, iyo kuwo
afar ah oo loo qoray shakhsiyaad: labadii Timoteyos, Tiitos, iyo Filemon.
Warqadaha kiniisadaha loo qoray waxaa lagu aadiyey meelaha kala ah: Rooma, Korintos,
Galatiya, Efesos, Filiboy, Kolosay, iyo Tesaloniika. Warqadahaas oo dhan isku mawduuc
ayaa ku qoran, kaas oo lagu soo koobi karo hadalkii uu yiri Bawlos. Warqaddii Rasuul
Bawlos u qoray dadkii Rooma 1:16,17: "Waayo, anigu injiilka ka xishoon maayo, maxaa
yeelay, waa u xoogga Ilaah xagga badbaadinta ku alla kii rumaysta, marka hore Yuhuudda
dabadeedna Griigta. Waayo, dhexdiisa waxaa laga muujiyaa xaqnimada Ilaah oo rumaysad
ka timaadda, rumaysadna u socota, sida qoran, kii xaq ahu rumaysad buu ku noolaan
doonaa."
|
"Kaasu wuxuu ahaa nuurka runta ah oo iftiimiya nin walba oo dunida
yimaada.
Dhammaanteen waxaynu buuxnaantiisa ka helnay nimco ka nimco. Waayo, sharciga
waxaa loo soo dhiibay Muuse, laakiinse nimcada iyo runtu waxay ku yimaadeen Ciise
Masiix." Injiilka sida Yooxaanaa u qoray 1:9, 16-17
|
|
|
|
|